साक्षरता कक्षा संचालन गर्न विद्यार्थी परिचालन
निरक्षरलाई साक्षर बनाउनका लागि नवलपरासीको गूठी परसौनी गाविसमा साक्षरता कक्षा संचालन गरिएको छ ।
एक सय वटा साक्षरता कक्षा संचालन गर्नका
लागि जन जागृति उच्च माध्यमिक विद्यालयका १ सय ५० विद्यार्थी परिचालन गरिएको गाविस
साक्षरता कक्षा संयोजक वृजराज कुशवाहाले जनाएका छन् ।
भारतीय सीमामा रहेको यस गाविसको ९ वटै
वडाहरुमा १ हजार ६ सय ८१ जना निरक्षरहरु रहेका छन् । सो सबै निरक्षरहरुलाई साक्षर
बनाई गाविसलाई साक्षर बनाउनका लागि सो साक्षरता कक्षा संचालन गरिएको हो । ३
महिनासम्म संचालनमा रहने यी कक्षाबाट साक्षर भएकालाई साक्षरता प्रमाणपत्र दिईने र
सबै जना साक्षर भए गाविसलाई नै साक्षर घोषणा गरिने नवलपरासीका सहायक जिल्ला शिक्षा
अधिकारी तोयनाथ लम्सालले जनाएका छन् ।
गूठी परसौनीमा संचालन गरिएका यी
कक्षाहरुमा जन जागृति उच्च माध्यमिक विद्यालय गूठी परसौनीका कक्षा ९ र १० मा
स्वास्थ्य जनसंख्या तथा वातावरण विषय अध्ययन गरिरहेका विद्यार्थीहरुले सिकाउने काम
गर्नेछन् । नेपाल सरकारको साक्षरता अभियान अन्तर्गत विद्यार्थीहरुले आगामी ३
महिनासम्म गाउंमै पुगेर आफ्ना अभिभावकलाई साक्षर बनाउन विभिन्न १२ वटा सीप
सिकाउनेछन् ।
विहान र बेलुका गरी २ घण्टासम्म चल्ने
सो कक्षामा सिक्ने अभिभावकहरुले तोकिएको १२ मध्ये कम्तिमा पनि ७ वटा सीप हासिल
गरेपछि साक्षरता प्रमाणपत्र पाउनेछन् । प्रमाणपत्र दिईनुअघि विद्यालयका
प्रधानाध्यापक वा विषय शिक्षकले साक्षर भए नभएको जांच गरी मात्र प्रमाण दिने
व्यवस्था रहेको प्रधानाध्यापक बाबुराम सुवेदीले बताए ।
कक्षा १० र ९ मा स्वास्थ्य जनसंख्या तथा
वातावरण विषयको प्रयोगात्मक परिक्षाको २५ अंकमध्ये साक्षरता कक्षा पढाई साक्षर
बनाए वापत १० अंक पाउने प्रावधान रहेको छ ।
वृजराज कुशवाहा २१ माघ
.........................
Comments
Post a Comment